منتديات الموجة
  

     
   
 

منتديات الموجة القبطية
 المقالات المنشورة تعبر عن أراء أصحابها وليس بالضرورة رأى الموجة القبطية

قوم يا صابر

لحد إمتى ياقبطى ... لحَد إمتى يا صابر....ها نفضل كده صـــابرين
لحد أمتى عاد نتضرب ..... نتهان وفى الشوارع مسحولين
لحد ميتا عاد نتصلِب .... لحد أمتى ها نفضل كده مذلولين ؟


 الفنان شفيق بطرس

16 اكتوبر 2011
لحد إمتى ياقبطى ... لحَد إمتى يا صابر....ها نفضل كده صـــابرين
لحد أمتى عاد نتضرب ..... نتهان وفى الشوارع مسحولين
لحد ميتا عاد نتصلِب .... لحد أمتى ها نفضل كده مذلولين ؟
شِكْوّتنا من المحاكم تنشطب .... ولسه كده ساكتين
كترت قوى كل لحظه المظالم .... كترت أوى وباخت
نفوسنا شايله جراح جرايم ... لرب عادل ناجت وناحت
حكايات قديمه راحت .... وحكايات جديده هَلت ولاحت
وفضايح ظلم ريحتها فاحت ....
لحد ما قلوبنا أتهرت ومن الوجع باشت
قوم ياقبطى من صمتك وانتفض .... كده بقى خلاص كفايه
زهقنا خلاص ياناس ... وروايه تجيب وراها روايه
مفروض بقى تعملولها قفله ... تعملولها يا ناس نهايه
باخت قوى عاد ...... باخت قوى وبقيت ماصخه الحكايه
كنايسنا يهدوها وبيحرقوها
صلبانا بيكسروها ويدوسوها
بيوتنا يتجموا عليها وبينهبوها
متاجرنا ..مزارعنا ...بيدمروها
عيالنا فى المدارس يكفروهم وينبذوهم
يتشار عليهم بالمهانه ...وبدين أبائهم بيعيروهم
حتى بناتنا يتأمروا عليهم .. وبيرصدوهم
بالمحايله بالخطف .. بالعافيه يأسلموهم
لحد أمتى ياقبطى الصمت .... أتكلم بكفياك عاد سكوت
أصرخ ياقبطى ..طالب بحقك .. تارنا ابدا مش هايفوت
أصرخ يا قبطى ...طالب بحقك حقك ابدا مش هايموت
أصرخ يا قبطى قول دى بلادى ياناس ...وبلاد أجدادى
فرعونيه قبطيه وهاتفضل كده قبطيه ......لكل أحفادى
أرعد بصوتك عالى ..... يابن الفراعنه وقول
ما عاد يرعبنا شيطان .... ولا سلفى ولاغول
مهما ذاد علينا ظلم ...مهما الليل علينا يطول
لايهمنا بلطجيه ولا سلفيه ولا اوباش الفلول
هانسمع العالم وجعنا .... مهما كان جسدنا بالقيود مغلول
مش هانكتم أبدا آهتنا ... والفم خلاص ماعاد يكون مقفول
قوم يا قبطى أرشم صليبك وأفتح بإيمان الكتاب
واقرى آيه تطمنك وتقول .........عليك يابنى ألف عتاب
أطمن هتاخد حقوقك ... معاك ملك الملوك ورب الأرباب
دى عقيدتنا اللى فى ضيقتنا بنلاقيها
دى كنيستنا اللى أتولدنا وطلعنا فيها
ودى آيه الأنجيل ولازم نرجع أليها
أبواب الجحيم لن تقوى عليها
أبواب الجحيم لن تقوى عليها
 الفنان شفيق بطرس
 


 

Visitor Comments
 

On Line

 

 

 

 

 

 

 
 
   All rights reserved Coptic Wave Web www.copticwave.com
Copyrights@ Coptic Wave 2005-2012 Coptic Orthodox Church Egypt